Agjencia Europiane e Barnave rekomandon për autorizim një tjetër vaksinë kundër Covid-19

06/01/2021 1:54 PM 0 komente

Agjencia Europiane Barnave i ka dhënë dritë jeshile një tjetër vaksine kundër koronavirusit, pas miratimit të vaksinës Pfizer/BioNTech në Dhjetor.

Në një takim të zhvilluar mëngjesin e sotëm, agjencia ka konfirmuar autorizimin për vaksinën Moderna.

“Komiteti i barnave njerëzore të EMA-s ka vlerësuar tërësisht të dhënat mbi cilësinë, sigurinë dhe efikasitetin e vaksinës dhe rekomandoi me konsensus një autorizim zyrtar të marketingut me kusht të dhënë nga Komisioni Evropian”, tha EMA.

Kjo do të sigurojë qytetarët e BE-së se vaksina plotëson standardet e BE-së dhe vendos masat mbrojtëse, kontrollet dhe detyrimet për të mbështetur fushatat e vaksinimit në të gjithë BE-në.

“Kjo vaksinë na ofron një mjet tjetër për të kapërcyer emergjencën aktuale. Është një dëshmi e përpjekjeve dhe angazhimit të të gjithë të përfshirëve që kemi këtë rekomandim të dytë pozitiv të vaksinës vetëm pak nga një vit që nga deklarimi i pandemisë nga OBSH. Ndërsa për të gjitha medikamentet, ne do të monitorojmë nga afër të dhënat mbi sigurinë dhe efektivitetin e vaksinës për të siguruar mbrojtjen e vazhdueshme të qytetarëve të BE-së”, shtoi Emer Cooke, drejtori ekzekutiv i EMA.

Autorizimi është për përdorim tek njerëzit nga mosha 18 vjeç e lartë, dhe vjen në kohën pasi është testuar në rreth 18 mijë persona.

Vendet anëtare të BE kanë bërë presion tek EMA për të lëshuar një dritë jeshile për vaksinën nga zhvilluar nga Moderna.

Vaksina Pfizer / BioNTech është vaksina e vetme e autorizuar aktualisht për përdorim në Bashkimin Evropian që nga autorizimi i saj i shpejtë nga EMA në 21 Dhjetor.

Shtetet e Bashkuara e përdorin atë së bashku me vaksinën Moderna, ndërsa Britania e Madhe që nga e hëna gjithashtu filloi të përdorë edhe vaksinën e AstraZeneca.

BE filloi vaksinimet në 27 Dhjetor, me Holandën të Mërkurën, duke u bërë vendi i fundit në bllok për të filluar një program vaksinimi.

Komente

avatar
  Subscribe  
Notify of