Chandra Selli ka pak javë që ka lënë vendlindjen për të punuar si kamariere në Tiranë. Bashkëshorti i saj është zhvendosur në Itali, ndërsa pjesa tjetër e familjes vijon të jetojë në Sri Lanka.
“Kam pak që kam ardhur në Tiranë dhe më pëlqen vërtetë shumë. Njerëzit më flasin, më përshëndesin. Tani kam filluar punë si kamariere për pak kohë. Së shpejti do të punoj si sanitare në një familje. E lashë vendin tim sepse atje nuk munda do të gjej një punë, ndërkohë që kam edhe dy djem për të cilët duhet të kujdesem. Më pëlqen shumë këtu dhe besoj do të rri gjatë në vendin tuaj”, tha ajo për “Monitor Ekonomi”.
Njësoj si Chandra, në Tiranë sapo ka mbërritur edhe Stanley Akoma nga Nigeria i cili është në pritje të ditës së parë të punës në një kompani private security.
Chandra Selli Nga Sri lanka punon kamariere në Tiranë “Unë vij nga Nigeria, nga një vend i varfër ku vështirë të gjeja punë, ndërkohë që më duhet të kujdesem për familjen time. Në fillim emigrova në Turqi, por atje gjeja punë të përkohshme, 1 javore apo 1 mujore. Këtu në Shqipëri komunikova me disa agjenci punësimi dhe arrita të mbyll një kontratë me një kompani sigurie. Do të punoj security për ta me një rrogë të kënaqshme. Tirana më pëlqen shumë, sidomos njerëzit që janë të sjellshëm me mua kudo ku shkoj”, thotë ai.
Emigracioni i lartë nuk përbën ndonjë të re për Shqipërinë. Profesionistët me eksperiencë në fusha të ndryshëme, i janë drejtuar Evropës për të punuar dhe kjo ka sjellë që kompanitë vendase, të kenë vështirësi në gjetjen e puntorëve, duke e kaluar në plan të dytë kualifikimin e tyre.
Ermal Jauri, drejtues i kompanisë së punësimit “Europe Agency”, pohon se “kërkesat e kompanive janë që në të ardhmen të zëvendësojnë personelin shqiptar me atë të huaj. Edhe pse në realitet kjo nuk është diçka e mirë, por në fakt është e vetmja zgjidhje që kanë kompanitë. Në momentin që flasim kemi kërkesë për 120 veta staf të huaj, që i kemi sot në zyrë gati për të filluar punë pas mbylljes së procedurave. Kërkesat janë në të gjithë sektorët, por sektorët e shërbimit janë ato që kërkojnë më shumë në shifra. Kemi kompani prodhimi që kërkojnë krah pune dhe punonjës të pakualifikuar. Kemi kompani të cilat janë në fushën e teknologjisë dhe informacionit që kërkojnë programues, IT dhe kërkojnë në shifra të frikshme. Nuk ka më rëndësi që stafi të jetë i kualifikuar sesa stafi, i cili ka qëndrueshmëri në punë. Shumë kompani janë të gatshme t’i trajnojnë vetë punonjësit e tyre vetëm me qëllim që të kenë një kontratë afatgjatë të parashikuar dhe të besueshme, që nëse do të marrin dikë në punë sot dhe do të investojnë në trajnimin e tij e ka të sigurt që për aq sa ka kontratën do ta ketë në punë”.
Sipas agjencive të punësimit çdo muaj hapen kontrata të reja me kompani, të cilat do të sjellin punëtorë nga Afrika dhe Azia. Sipas tyre, punonjësit që vijnë nga këto vende kanë kosto të ulët, nuk kanë shumë pritshmëri page kur vijnë dhe janë të gatshëm për çdo lloj pune. Për më tepër që janë më të shumtë në numër si aplikantë, sepse kane vështirësi të gjejnë punë në vendet e tyre të origjinës.
Vendet e punës të cilët po plotësohen nga punonjës nga Azia dhe Afrika janë në sektorin e shërbimit, si shitës, kamarier, banakier, security, dado femijësh, lavazh, shofer etj, në prodhim (servise makinash psh), apo dhe punonjës ndërtimi. Jauri thotë se kërkesë të larte ka për IT (programues).
Shqiptarët po ikin
Ikin punonjësit shqiptarë, zëvendësohen nga afrikanët e aziatikët
Sipas agjencive të punësimit çdo muaj hapen kontrata të reja me kompani, të cilat do të sjellin punëtorë nga Afrika dhe Azia
Braktisjen masive të burimeve njerëzore e kanë ndjerë edhe ndërmarrjet fasone. Gjergji Gjika, kreu i dhomës së fasonëve pohon se “çdo ndërmarrjeje, nuk ka muaj që të mos i ikin 4 apo 5 punonjës të cilët nuk zëvendësohen. Dikur iknin, por gjendej dikush që t’i zëvendësonte, edhe punonjëse e pakualifikuar, por të paktën gjendej brenda muajit, ne tani nuk kemi më njerëz. Në 2019 kemi pasur një shifër rreth 5% mesatarisht largime të personelit. Pra në një kompani me 100 punonjës, pothuajse në fund të vitit në mos përgjysmohet arrin në 60 punonjës, kjo është alarmante. Deri tani nuk kemi kontrata me kompani të huaja për punonjës të huaj, por nuk shmanget si alternativë përderisa shqiptarët po ikin jashtë, do pranojmë dhe të huajt këtu”.
Emigracioni i shqiptarëve, sidomos në disa qarqe të caktuara po bie si kambanë alarmi. Sipas një sondazhi të EPPC shqiptarët largohen nga vendet e punës pasi nuk ndihen të vlerësuar. Konkretisht 60% e të pyeturve thonë se ndihen të pakënaqur në vendin e tyre të punës. Arsye të tjera renditen paga, mungesa e motivimit, puna e pa paguar jashtë orarit dhe mundësia e ulët për të bërë karrierë. Këto arsye bëjnë që zgjidhja dhe mundësia për një jetesë më të mirë të kërkohen jashtë kufirit.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.
**** KTHEHUNI SHQIPTARE ***** Shpopullimi nga vendasit dhe sjellja e “emigranteve” eshte strategjia e pushtimit te koheve tona, per luften kunder shkombetarizmit dhe zhdukjes se kombeve, nga teorite komunisto-perendimore te “multikulturalizmit”, “globalizmit” e “multietnicitetit” apo “shoqerive te hapura” si han pa porta. Ku eshte Perendimi qe deri dje fliste per krenarine kombetare dhe per mbrojtjen e kombeve, nga internacionalizmi komunist. “Multikulturalizmi”, “globalizmi” e “multietniciteti” qe reklamohen nga Komuniteti Europian e SHBA-ja, jane nocione te maskuara te internationalizmit komunist – ato njelloj i luftojne e shuajne kombet homogjene sic jane deri tani Shqiperia e vende te tjera ne Europe. “Fqinjesi te… Read more »
Arsyeja e largimit eshte se ketu profesionistet dhe puntoret nuk vleresohen per punen qe bejne. Punedhenesi tenton shfrytezimin maksimal te punetorit per perfitimie vetjake duke i mohuar shume te drejta te punesuarve. Ne rastin kur kerkohet e drejtesi apo te drejtat qe i takojne punetoreve ndodh perballja me kercenimet e shumta. Ankesat perfunojne ne vesh te shurdher dhe organet kompetente te kthejne shpinden. As shteti yt nuk te del ne krah. ne njefare menyre ndihesh i huaj ne vend tendin. E kunderta ndodh ne vende te tjera ku edhe pse ndoshta nuk te kan qejf sepse je emigrant te pakten… Read more »
Normal qe ikin puntort ku nuk paguen per punen qe bojn turp per biznisment shqiptar
Do ju nxine jeten Edhe afrikaneve seshpejti. Po problemi eshte SE shqiptaret nuk I hidhnin NE gjygj per keqtrajtim APO abuzim. Keta te huaj do ju thyejne dhembet Punedhenesit skane edukate Pune sdine te trajtojne njerezit, nuk ju sigurojne normat elementare punonjesve Prandaj ikin Kujtojne SE do I durojne te huajt!!!! Ujqit qimen e nderrojne po zakonet si harrojne Emigracioni i rregullt behet kur ka civilizim te gjithe shoqerise Keto Jane plehrat qeveritare qe vetem shkaterrojne jete po nuk dine SE cbejne SE Jane rrugace rrugesh te sjelle nga Soros nazisti I vrafte Zoti edvin kristaq ramen erion shqiponja Veliaj… Read more »