Pjesa e parë
Pasojat e tërmetit tragjik të 26 nëntorit janë të dukshme. Në qytetet e prekura shtëpitë janë braktisur, shumë biznese janë mbyllur, ndërsa në Durrës ka vijuar shembja e kontrrolluar e pallateve. Ende është herët për të bërë bilancin e dëmeve materiale, por qeveria prej ditësh përmes mbledhjeve të jashtëzakonshme ka diskutuar për burimet financiare që duhen angazhuar.
Ne biseduam me ekspertët e ekonomisë Selami Xhepa dhe Pano Soko për këto lloj burimesh që do të mund të ofrojnë zgjidhjen, si marrja e një kredie, donacionet e mbledhura, shfrytëzimi me efikasitet i rezervave valutore, apo anullimi i koncesioneve ende të pa firmosura!
Pjesa e dytë
Pas tërmetit, qytetarët kërkojnë për të blerë apo për të marrë me qera një shtëpi, në katet e para të pallateve. Ata duan banesa jo të larta dhe vila në periferi.
Paniku i këtyre ditëve ka sjellë fluks jo vetëm për ata që kërkojnë strehim, por edhe për pjesën tjetër që kërkon siguri në vendbanim. Sipas agjencive imobiliare gjatë dy javëve çmimet e qerave kanë shfaqur tendencë rritëse të lehtë. Megjithatë kjo situate duket se është e përkohshme.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ri-publikohet nga mediat e tjera vetëm duke cituar “Revista Monitor” shoqëruar me linkun e artikullit original.