Drejtuesit e KEK, Termokos dhe përfaqësuesit e IMTECH thonë se javët e fundit ka pasur një dinamikë të shtuar të punimeve në projektin e Kogjenerimit, me qëllim përmirësimin e furnizimit me ngrohje për qytetin e Prishtinës dhe sipas planifikimit, 26 nëntori 2014 pritet të jetë data kur ky projekt nis funksionin e tij.
Fadil Ismajli, ministri i Zhvillimit Ekonomik, me bashkëpunëtorët e tij ka vizituar Termocentralin Kosova B, ku ka inspektuar punimet finale në këtë projekt dhe ka lajmëruar për nisjen e funksionimit.
Me këtë rast, Ministri Ismajli ka kërkuar mobilizim e plotë nga akterët e përfshirë në implementimin e këtij projekti, që të respektohen afatet e parashikuara për finalizimin e tij, në mënyrë që vonesat të mos ndikojnë aspektet tjera të shërbimeve të qytetarëve.
Realizimi i Projektit të Kogjenerimit u mundësua me fondet e përbashkëta të Komisionit Evropian, Qeverisë Gjermane nëpërmes KFW, Qeverisë Suedeze, Qeverisë së Luksemburgut dhe Komunës së Prishtinës.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.