Operatori i Shpërndarjes së Energjisë Elektrike, OSHEE, njofton se gjatë orëve të para të mengjesit, si pasojë e motit të keq, në disa n/stacione elektrike u shfaqën defekte për të cilat u punua deri në eliminimin e tyre.
Avari kanë pasur linjat 30 kV Shkozet- Shijak, Shijak – Fllakë të cilat furnizojnë me energji n/stacionet Shijak, Manzë dhe Vorë, n/stacioni i Valiasit, Xhuherinë dhe Tuc.
Gjithashtu u dëmtua dhe transformatori në n/stacionin Mëzez.
Grupet e punës së OSHEE kanë riparuar mëngjesin e sotëm të gjitha defektet defekte duke rikthyer energjinë në të gjitha këto n/stacione.
Aktualisht kanë marrë energji të gjithë abonentët që furnizohen nga këto n/stacione: Maminas, rethina Vorë-Maminas, Gërdec-Maqinet, Prezë-Fushë Prezë, Vorë-Rinas.
Zona e Shijakut gjithashtu u furnizua me energji: Gjepalaj, Shahinaj, Romanat, Shkallnur, Sukth perimore, Goxhas, Zona e 4 rrugëve të Shijakut, Katundi i Ri, Qerret, Metallaj, Manzë, Kullë, Perlat, Hamalle, Rrushkull, Radë, Rubjekë, Bilalas, Shkafane, Gjiri i Lalzit, Ishëm ;
Subjektet private: “Alumini”, “Kantina e verës”, “Deka”, “Pulari Duka”, “Maminas”, “Elda”, “SALILLARI”, “Fabrika e këpucëve”, “Hotel Kastrati”, “Agro-Blend”, “Robaqepsi”, “Metali”, “Inerte”, “Ital-alba”, “Materiale ndertimi”, dhe Radiostacioni-Shijak.
Grupet e avarisë punuan dhe në n/stacionin Valias për riparimin e defektit dhe rikthimin e energjisë në disa zona periferike të Tiranës si: Valiasi, Laknasi, Berxullë, Domje, Kamëz (zona Verilindore dhe Juglindore e qytetit), Ura e Tapizës, Pompat e Ujit Deka.
Tashmë të gjithë abonentët që banojnë në këto zona po furnizohen normalisht me energji elektrike.
Aktualisht grupet e punës po punojnë në n/stacionin Tuç për riparimin e avarisë me qëllim rikthimin e energjisë në këtë n.stacion që furnizon me energji disa zona në Fushë-Arrëz: Miniera Tuç dhe 4 fshatra në ish komunën Qafë Mali.
Gjatë ditës së sotme është zëvendësuar transformatori në kabinën e Xibrakës dhe po punohet për zëvendësimin e 2 transformatorëve në kabinat Mollas dhe Bujaras.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.