Një telefon celular pa bateri? Ekziston dhe furnizohet me energji nga ambienti

17/07/2017 12:53 PM 0 komente
TEMA TE NGJASHME:

Lajmi i një celulari që karikohet vetëm 4 herë në vit na entuziazmoi. Por tani vjen lajmi i një celulari pa bateri që karikohet me ajër. Nuk është fantashkencë, por një pajisje që ekziston vërtet, në të tashmen.

Telefoni funksionon me shumë pak energji – me disa të milionta vat, që merret nga mjedisi nëpërmjet valëve të radios e dritës – kështu mund të braktisni njëherë e mirë karikuesit e baterive dhe telefonat që shkarkohen vazhdimisht.

Për të realizuar një telefon të tillë kërkuesit e Universitetit të Uashingtonit kanë rimenduar nga fillimi të gjithë dizajnin e pajisjeve aktuale – siç bëhet e ditur në studimin e publikuar në “Proceedings of the Association for Computing Machinery on Interactive, Mobile, Wearable and Ubiquitous Technologies”.

“Telefoni është pajisja nga e cila varemi më shumë sot. Nëse ka diçka që do të donim ta përdornim pa u varur nga bateria është pikërisht kjo”, – thotë Joshua Smith, një ndër autorët e studimit. Prototipi është në gjendje të kryejë funksionet kryesore: të bëjë dhe të marrë telefonata, të dërgojë të dhëna dhe t’i mundësojë çdokujt që e përdor të dërgojë komanda nëpërmjet butonave.

Që të funksionojë, “shfrytëzon vibrimet që prodhohen nga mikrofoni apo nga altoparlantët gjatë një telefonate. Një antenë e lidhur me këta komponentë konverton lëvizjet në sinjale radio: “ndërkohë që ju flisni, telefoni kodifikon vibrimet në valë radio, ndërsa kur ju dëgjoni, ato shndërrohen në tinguj”. Ajo pak energji që nevojitet për funksione të tjera merret nga valët e radios që krijohen nga një transmetues dhe nga drita, falë panelesh diellore shumë të vegjël.

 

Battery-free-phone- 789Si funksionon?

“Battery free cellphone” (kështu quhet telefoni celular) funksionon me një teknikë të quajtur “backscatter”, nëpërmjet së cilës pajisja është në gjendje të komunikojë duke pasqyruar valët e radios. Për të rikuperuar energjinë, në “telefon” janë instaluar në mënyrë të ndarë komponentë të ndryshëm, ndër të cilët një stacion bazë me qarqe për lidhjen me rrjetin telefonik.

Telefoni është i pajisur me tastierë touch për të formuar numrin, si dhe një panel të vogël LED që ndizet e fiket sa herë që shtypni një buton. Për momentin nuk mund të pretendohet më shumë – duke marrë në konsideratë që vetëm ekranit touch do t’i nevojiteshin 400 milivat.

 

Të punosh me energji të ulët

Për Bryce Kellogg, doktor i “inxhinierisë elektronike” në Universitetin e Uashingtonit dhe bashkautor në studim, sfida më e rëndësishme ishte të punoje me energji të ulët. “Sasia e energjisë që mund të përfitohet nga valët e radios apo nga drita e ambientit është rreth 1 – 10 mikrovat. Kështu operacionet telefonike në kohë reale ishin vërtet të vështira për t’u arritur pa zhvilluar një qasje krejtësisht të re për kryerjen dhe marrjen e telefonatave”.

 

Burimi: Corriere della Sera

 

Share on FacebookTweet about this on TwitterShare on Google+Share on LinkedInEmail this to someonePrint this page

Komente

Jeni i pari për të shkruar një koment!

Notify of
avatar
wpDiscuz