Koronavirus rrit numrin e personave që punojnë në distancë

19/02/2020 3:09 PM 0 komente
TEMA TE NGJASHME: ,

Masat për parandalimin e përhapjes së Koronavirusit kanë detyruar thuajse të gjitha kompanitë në Kinë të riorganizohen. Sipas Bloomberg, po zhvillohet “eksperimenti më i madh i të punuarit në distancë”. Ky është një leksion prej të cilit duhet të përfitojmë, veçanërisht për mjedisin

 

Natyrisht kjo nuk është gjëja e parë që kemi menduar këto ditë, por me përhapjen e Koronavirusit në të gjithë botën, të punuarit nga shtëpia nuk është një privilegj, por është bërë domosdoshmëri. Në Kinë, aty ku nisi të përhapej virusi, në të njëjtën kohë me festimet për Vitin e Ri Hënor, thuajse të gjitha autoritetet lokale i ndalën shumë sipërmarrje të rihapeshin, të paktën deri në mes të shkurtit. Sipas Bloomberg, po zhvillohet “eksperimenti më i madh i të punuarit në distancë”. Qytetet janë shkretuar, rrugët janë bosh dhe po ashtu, edhe kompanitë. E vetmja alternativë për të vijuar aktivitetin ishte puna në distancë.

“Kjo është një mundësi e mirë për ne për të testuar punën nga shtëpia në shkallë të gjerë” – deklaroi për të përditshmen amerikane Bloomberg, Alvin Foo, administrator i deleguar i Reprise Digital, një agjenci publicitare në Shangai me 400 punonjës. Natyrisht, kjo varet edhe nga lloji i profesionit: një profesion krijues në kërkim të lindjes së ideve të reja dhe nevojës së përditshme për të punuar në skuadër do të hasë më shumë pengesa krahasuar me një punë që është më individuale. Në çdo rast, u organizuan me nxitim takime me klientë dhe diskutime në grup nëpërmjet aplikacioneve të videochat apo në platforma të ndryshme si WeChat Work apo Lark. Me pak fjalë, punonjësit nuk kanë pasur shumë mundësi zgjedhje.

Përhapja e virusit mund të lehtësojë punën nga shtëpia, e cila është duke u rritur. Në fakt, në këtë rast, puna në distancë mbetet e vetmja zgjidhje – dhe ajo më komode – për të mos ndaluar aktivitetin e kompanive. Shqetësimi dhe frika e shumë drejtuesve të kompanive është ngadalësimi i mundshëm i produktivitetit.
Duke u kthyer pas në kohë, që në vitin 2015, Universiteti i Stanford në Kaliforni pati publikuar një studim mbi disa punonjës kinezë në call center që deklaronin se mjedisi i shtëpisë është më i përshtatshëm për të punuar dhe pauzat më të shkurtra rrisnin produktivitetin me 13 për qind.

Çështja klimatike

Por ana pozitive nuk mbaron vetëm me komfortin e të punuarit nga shtëpia. Siç thekson website Gizmodo, puna në distancë sjell efekte pozitive në mjedis, dhe është një nga mënyrat më të thjeshta dhe ekonomike për të reduktuar emetimet e gazit serrë.

“Nëse Koronavirusi ju frikëson, po aq duhet t’ju frikësojnë edhe ndryshimet klimatike” shkruhet në një artikull në të përditshmen amerikane, duke nënvizuar që në vitet para Presidentit Trump, në nivel federal, puna në distancë shihej si një zgjidhje për të reduktuar gjurmën e karbonit të një individi të vetëm. Por shumë ndryshon nga mënyra se si njerëzit shkojnë në punë – ndryshon pak nëse shkojnë më këmbë apo marrin trenin. Diferenca është e madhe nëse marrin makinën. Është interesante të mendosh që Shtetet e Bashkuara të Amerikës, që në vitin 2000, e shihnin punën në distancë si një plan emergjence për t’u vënë në zbatim në rast të një pandemie.

Burimi: Wired

Komente

avatar
  Subscribe  
Notify of