Situata e Covid/ Mbyllet zyra e vizave dhe pasaportave në ambasadën gjermane në Tiranë

20/07/2020 10:56 AM 0 komente

Zyra e vizave dhe pasaportave në ambasadën gjermane në Tiranë është mbyllur, duke filluar nga kjo e hënë.

Ambasada njofton se kjo masë është marrë për shkak të situatës së krijuar nga koronavirusi, ndërsa data e rihapjes do të bëhet e ditur në momentin më të parë të mundshëm.

”Prej ditës së sotme, e hënë 20 korrik 2020, nisur nga gjendja aktuale, Zyra e Vizave dhe e Pasaportave të Ambasadës Gjermane në Tiranë është e mbyllur për arsye parandaluese.

Personat e prekur nga mbyllja e zyrës do të marrin në momentin më të parë të mundshëm një datë/orë të re aplikimi.

Ne do të informojmë përmes faqes së internetit apo Faceboouk-ut sapo zyra të rinisë veprimtarinë e saj. Lutemi për mirëkuptimin tuaj.

Në raste urgjente konsullore, mund të na kontaktoni përmes numrit të shërbimit të gatshëm 068 202 9109. Lutemi për mirëkuptimin tuaj që përmes këtij numri nuk mund të japim informacione rreth datave të aplikimit apo procedurave për vizë.”, thuhet në njoftim.

Komente

avatar
  Subscribe  
Notify of