Brukseli pritet të propozojë masa më të ashpra për kompanitë që nuk prodhojnë energji elektrike me gaz, si pjesë e paketës së emergjencës që synon të ulë çmimet e larta të energjisë.
Një Projektligj nga Komisioni Evropian, i parë nga Financial Times, përcakton gjithashtu objektiva të detyrueshëm për një ulje prej 5 p% të konsumit të energjisë elektrike gjatë orëve të pikut. Projekt ligji synon të zvogëlojë konsumin e gazit me 1.2 miliardë metra kub gjatë një periudhe katër mujore.
Kufiri i të ardhurave për prodhuesit e energjisë elektrike pa gaz do të vendoset në 180 €/MWh, më i ulët se standardi 200 €/MWh i sugjeruar në një draft të mëparshëm dhe më pak se gjysma e normës aktuale të tregut për energjinë elektrike. Dokumenti i komisionit vuri në dukje se “çmimet mesatare të tregut për orët e pikut ishin dukshëm nën” 180 €/MWh gjatë “dekadave të fundit”.
Megjithëse çmimet e energjisë elektrike kanë rënë nga nivelet maksimale prej gati 700 €/MWh në gusht në Gjermani,(pikë referimi rajonale), ato mbeten pak më shumë se 450 €/MWh.
Propozimet për një plan për të zbutur krizën, duke përfshirë një kufi mbi të ardhurat nga gazi si dhe një kufi për sasinë e importit të gazit, u diskutuan nga ministrat e energjisë nga 27 vendet anëtare të BE-së të premten e kaluar.
Disa vende, duke përfshirë Francën dhe Greqinë, po shqyrtojnë mundësinë për përfitimet e vendosjes së një kufiri të sheshtë të të ardhurave që zbatohet për të gjithë prodhuesit, pasi kostot e një centrali bërthamor për të prodhuar një njësi të energjisë elektrike, për shembull, janë më të mëdha se ato të fermave me erë.
Komisioni ka propozuar gjithashtu, që kompanitë kryesore të gazit dhe naftës të paguajnë një “kontribut solidariteti” në të gjitha vendet anëtare. KE sugjeroi që çdo fitimin që tejkalon me më shumë se 20 % fitimi mesatare të kompanisë gjatë tre viteve të fundit do t’i nënshtrohej një tatimi prej 33%.
Komisionerët duhej vendosnin masat përfundimtare në një takim sot, në mënyrë që ato të mund vendoseshin në zbatim. Komisioni Evropian nuk pranoi të komentojë mbi draft dokumentin./ Financial Times