Dy rastet e para me COVID-19, Braçe: Tregoni vetëkontroll, shkollat të 100-fishojnë kujdesin ndaj higjienës

09/03/2020 8:57 AM 0 komente

Pas konfirmimit të dy rasteve të para me kronavirus, ka reaguar zëvendëskryeministri Erion Braçe. Braçe iu bën thirrje qytetarëve për vetëkontroll dhe qetësi.

“Tani duhet qetësi, vetëkontroll, disiplinë për të zbatuar çdo protokoll dhe çdo rregull të shpallur, vendosmëri për të mos lejuar përhapjen kudo! Çdokush që ka hyrë nga Italia në Shqipëri gjatë dy javëve të fundit duhet të vetëkarantinohet për 14 ditë, pjesa tjetër është higjiena, higjiena!

Lani duart shpesh dhe për 40 sekonda me ujë e sapun, dezinfektoni me solucione me bazë alkoolin, të gjitha vendet me grumbullime të mëdha, posaçërisht shkollat duhet të 100 fishojnë kujdesin ndaj higjienës, mos prekni gojën, hundën e sytë me duar të palara, virusi hyn në trup prej tyre! Mbroni fëmijët dhe të moshuarit! Është detyrë!”, shkruan në rrjetet sociale.

Komente

avatar
  Subscribe  
Notify of