Udhetim ne Turqi

08/05/2010 00:00 0 komente

Stambolli r Kryeqyteti i Kultures Europiane ne vitin 2010

Qyteti që përfaqëson urën midis Europës dhe Azisë është gjithashtu qyteti që përfaqëson elementë kryesorë të traditave kulturore të kryeqyteteve europiane: është i vetmi qytet jashtë Bashkimit Europian që e merr këtë titull. Stambolli është një qytet i populluar dhe mahnitës dhe në vitin 2010 është gjithashtu një nga tre kryeqytetet europiane të kulturës. Të shikoni më të mirat e të mirave të Stambollit është një mundësi që ofrohet një herë në jetë.

Stambolli nuk është vetëm shkrirje e dy kontinenteve, por edhe e dy feve: Myslimanët dhe kristianët këtu jetojnë në paqe me njëri-tjetrin prej qindra vjetësh. Kështu mund të shikoni përveç xhamive osmane edhe kisha të bukura bizantine. Stambolli është një qytet që nuk fle – 12 milionë banorët e këtij qyteti gjithmonë i mbushin plot rrugët e tij.

Filloni shëtitjen tuaj të soditjes së qytetit të mrekullueshëm me një nga simbolet më të fuqishme të Stambollit – Xhaminë e Sulltan Ahmedit (Xhamia Blu), e ndërtuar midis viteve 1609 dhe 1616. është kulmi i zhvillimit të dy shekujve të kishës osmane dhe bizantine. Ka gjashtë minare dhe ambienti i brendshëm i saj është shtruar me 20,000 tulla qeramike të bëra me dorë.

Në lagjen “Uskudar” duhet të shikoni kullën më të famshme të Stambollit – “Maiden Tower”, një simbol për të gjithë lundruesit që kalojnë përmes Bosforit. Kulla u ndërtua nga tregtarët e Gjenovës, por origjina e saj lidhet me legjenda të ndryshme. Kulla mund të vizitohet çdo ditë përveç të hënave, por nëse dëshironi të admironi bukurinë e Stambollit nga një kullë, duhet të vizitoni Kullën Galatam që është pothuajse 67 metra e lartë.

Në mbrëmje mos humbisni kënaqësinë e banjave turke (hammam) për një përvojë unike, dhe, para se të largoheni, mos harroni të blini diçka nga Pazari i Madh, një nga tregjet më të vjetër në botë.

Një konferencë kombëtare për muzetë e qyteteve, Festivali i Pavarur i Filmit midis nëntë festivaleve të tjera të filmave, qindra teatro, evenimente arsimore dhe letrare, si dhe shumë projekte urbane do të jenë pjesë e evenimenteve në Stamboll për këtë vit. Atmosfera e qytetit premton të jetë më festive se kurrë dhe vendasit si gjithmonë do të jenë shumë mikpritës.

I mrekullueshmi “Pazar i madh” i Stambollit

Doni të dini se si ka qenë psonisja para se të kishte fabrika, qendra tregtare dhe paketime plastiker Keni dashur ndonjëherë të jeni pjesë e një ekonomie të botës së vjetër, të papenguar nga forcat e globalizimitr Mbase keni ndërmend të vizitoni Turqinë dhe të kombinoni blerjet e suvenirëve me një zhytje në kulturën lokale. Pazari i madh i Stambollit gjallëron nga aktiviteti i turistëve dhe qytetarëve, dhe përmban të gjitha llojet e zejtarisë turke, që nga bizhuteritë, qilimat, artikujt e qeramikës, palltot dhe deri tek ushqimi.

Ky treg i mbuluar është një ndërthurje midis një qendre tregtare dhe një parajsë e tregtarëve të rrugës, duke zënë një rrjet prej mbi 60 rrugësh dhe mijëra dyqanesh, kështu që nëse jeni në Stamboll për sadopak kohë, Pazari i Madh ose Kapali Carsi, (që do të thotë “treg i mbuluar” – turqit kanë mënyra shumë praktike të të emërtuarit), është një pikë e rëndësishme interesi.

Duke ecur drejt portës kryesore, me një qemer të madh guri të stolisur me dizajne turke mbi rrugën e hyrjes, është e sigurt se do ndjeheni sikur jeni duke hyrë në derën e së kaluarës. I ndërtuar në vitin 1461 nga Mehmed Pushtuesi, Pazari i Madh duket si një pallat ose një tempull i psonisjeve të kohëve të shkuara. Kapali Carsi përmban dy xhami me mure gjigante, por kushdo që vjen këtu pyet veten nëse feja e vërtetë në këtë vend është tregtia apo jo. Aromat e karafilit dhe kanellës të vijnë si puhiza në hundë dhe thirrjet e tregtarëve shëtitës (Hej, nga jenir Mund t’ju ndihmoj të blini diçkar”) mbushin atmosferën. Harqe të shumtë varen mbi krye dhe vizatimet tradicionale turke zbukurojnë muret dhe dyshemenë.
Pazari i Madh ndahet në ‘bedestens’, ose oborre brenda godinës që janë të mbushura me dyqane të lidhura me njëra-tjetrën. është e pamundur të hyni në çdo dyqan vetëm gjatë një vizite, por shikoni Sandal Bedesteni, pikërisht pranë hyrjes (në të djathtë, me shënimin “Old Bazaar”) për mallra të ndryshme tekstile. Duke qenë një nga tregjet më të vjetra, arkitektura këtu është e mahnitshme. Ndiqni rrugën me sokak të Sandal Bedesteni, kthehuni djathtas në përfundim të saj, ndiqni rrugën dhe pasi të kaloni dy dyer kthehuni majtas në “Kalcilar Han”. Kjo rrugë është vendi i argjendpunuesve dhe është ndërtuar si një fabrikë në miniaturë. Një copë argjendi fillon të punohet në një anë të rrugës deri sa të kthehet në një objekt të përdorshëm në anën tjetër të saj. është një pjesë mahnitëse e ekonomisë turke.

Meqenëse kjo është një përvojë reale, duhet të jeni të kujdesshëm për anën e keqe të saj. Hajdutë xhepash dhe çantash përzihen në turmat e njerëzve, kështu që tregohuni të kujdesshëm të mos mbani me vete objekte të çmuara dhe mbani paratë në vend të sigurt dhe të mbërthyer mirë sa më pranë trupit tuaj.

Meqenëse shitësit e dyqaneve janë gjithashtu edhe pronarët e tyre, duhet të mprihni mirë aftësitë për të bërë pazar. Kjo mund të jetë një përvojë argëtuese, por gjithashtu duhet të përgatiteni të përballeni me aftësitë e tyre të të bërit pazar. Turqit njihen për karakteret e tyre matrapaze dhe sidomos egërsohen kur flitet për para. Megjithatë mos u vini në siklet. Shkoni në Pazar, duke menduar sa para keni dhe sa para jeni të gatshëm të shpenzoni aty dhe përmbajuni planit tuaj, pavarësisht se shitësit do t’ju nxisin të blini sa më shumë. Ndonjëherë mund t’i blini produktet 4-5 herë më lirë se sa jua ofron shitësi në fillim.

Pazari i Madh në Stamboll është një përvojë që nuk duhet ta humbisni gjatë jetës suaj. Midis ushqimit të shijshëm, bizhuterive dhe mobilieve antike, veshjeve tradicionale turke, punës artistike, tekstileve dhe zejtarisë mjeshtërore, mund të jeni të sigurt që syri juaj do të kapë diçka. Edhe nëse nuk keni para për të blerë, kujtimet që do merrni me vete do të jenë të paçmuara.

Izmiri – Perla turke e Egjeut
 
Themeluar nga trojanët dhe vendlindje e Homerit, Izmiri është sot qyteti i tretë për nga madhësia në Turqi dhe porti i dytë më i madh në vend pas portit të Stambollit. Vetëm në Izmir mund të gjendet përzierja e përsosur e Europës mesdhetare moderne me Turqinë tradicionale.

Ky qytet i rëndësishëm ia ka dalë mbanë të projektojë infrastrukturën më elegante në Turqi: bulevarde me trotuar, parqe të stërmëdhenj të gjelbëruar dhe monumente të mirëmbajtura. Hotelet e Izmirit gjithashtu kanë reputacionin e hoteleve më të mira të bregut të Egjeut.

Qyteti konsiderohet si portë hyrëse e peizazheve të bukura të bregdetit turk. Deti Egje është i famshëm në mbarë botën për ujin e pastër blu dhe pamjet mahnitëse, gjë që vërtetohet edhe nëse shikoni provincën e Izmirit. Fshatra peshkatarësh shumë piktoreskë dhe limane të vogla janë shpërndarë në të gjithë bregdetin, kështu që çdo pamje që do të zbuloni këtu do të jetë ndryshe nga tjetra.

Por jo vetëm rrethinat e qytetit ia vlejnë të vizitohen. Izmiri në vetvete është mjaft mbresëlënës. Ndoshta pjesa më e rëndësishme e Izmirit është Sheshi Konak dhe Rruga Konak. Kjo është pjesa me dyndjen më të madhe e qytetit dhe kjo është e shpjegueshme, duke marrë në konsideratë pikat e interesit në afërsi të saj. Godina e bashkisë, Pazari i Madh i Izmirit, Pallati i Operës dhe Akademia e Muzikës ndodhen shumë pranë.

Kulla e Sahatit të Izmirit, një simbol i qytetit, ndodhet gjithashtu këtu. E ndërtuar në vitin 1901, kulla duket qartë që është pjesë e stilit arkitekturor osman. është 25 metra e lartë dhe përmban 4 shatërvanë.

Kështjella e Kadifesë është një pikë kryesore interesi për turistët e Izmirit. Kadifekale u ndërtua në shekullin IV para Krishtit dhe ka luajtur rol strategjik në mbrojtjen e qytetit në të gjitha kohërat. Megjithëse momentalisht është duke u restauruar, gravurat romake dhe bizantine mund të shikohen ende nëpër mure.

"The Cotton Castle"  Kështjella e Pambukut

Nëse jeni duke kërkuar për një destinacion unik për pushimet e ardhshme, ky vend plot diell në Turqi do të ishte zgjedhja më e mirë për ju. Pamukkale është një atraksion natyral në Turqinë Jugperëndimore, i cili pret mbi 2 milionë vizitorë çdo vit. Pamukkale, që në turqisht do të thotë “Kështjella e pambukut”, i mrekullon vizitorët me ujërat e bruzta që rrjedhin në pellgje prej kalciumi. E njohur si një nga vendet e trashëgimisë botërore së bashku me Hierapolis, Pamukkale është një nga shembujt më elipse të formacioneve të kalciumit në botë.

Pamukkale është njohur për vetitë kuruese që në kohërat e lashta. Ujërat e ngarkuara me kalcium janë një kurë natyrale për sëmundjet e zemrës, tensionit, sëmundjet e aparatit tretës apo ato të lëkurës.

Pamukkale është një nga mrekullitë natyrore më të jashtëzakonshme në Turqi. Në këtë zonë ofrohen shumë opsione akomodimi, kështu që mund ta shijoni këtë vend për disa ditë me radhë. Formuar nga një burim i nëndheshëm me ujë të ngrohtë, Pamukkale konsiderohej nga qytetërimet antike si vendi i shenjtë i perëndive. Themeluar në vitin 190 para Krishtit nga Eumenes II, mbreti i Pergamonit, qyteti Hierapolis arriti kulmin në shekujt II dhe III, duke qenë se ishte një qendër e famshme banjash termale për romakët. Hierapolis tërhiqte një numër të vazhdueshëm udhëtarësh, të cilët vinin për të përfituar nga ujërat kurues.

Pamukkale ndodhet 250 kilometra larg Izmirit dhe 20 kilometra larg Denizlit. Burimi i ujit të nxehtë rrjedh në një shkallë prej 400 litrash në sekondë dhe ka një temperaturë nga 36 deri 38 gradë Celsius me pH6.

Shkruaj një koment

Ju duhet të logoheni për të komentuar.