Paralizimi i transportit vazhdon t’u shkaktojë dëme të mëdha financiare Shoqatës së Transportit Ndërqytetas dhe Rrethqytetas.
Për lehtësimin e dëmeve, kjo shoqatë i ka dërguar një kërkesë qeverisë, ku ndër të tjera kërkon një fond mbështetës prej 32,500,000 lekë për pagesën e 2500 shoferëve, faturinove dhe pjesës tjetër të transportit.
Kërkesat drejtuar qeverisë
1-Mbështetjen me një fond prej 32 500 000 lekësh për pagesat e 2500 shoferëve, faturinove, financierëve, juristëve, drejtuesve teknikë, operatorëve, agjentëve dhe administratorëve me gjysmën e një page minimale prej 13 000 lekësh, të cilët presin të paguhen brenda datës 10 të muajit prill.
2-Faljen e pagesës së sigurimeve shoqërore dhe tatimit mbi fitimin për një periudhë 3-mujore.
3-Shtyrjen e pagesave të kredive për një periudhë 3-mujore pasi bankat nuk po e respektojnë urdhrin e BSH.
4-Shtyrjen e pagesës së taksave vendore për një periudhë 6-mujore
5-Furnizimin me 2500 maska, doreza dhe 500 litra alkool.
Ky është artikull ekskluziv i Revistës Monitor, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Revista Monitor” shoqëruar me linkun e artikullit origjinal.